عايش عذاب في عذاب
[الين الحين وأنا عايش عذاب في عذاب ـــــ أحس كل شي في الدنيا صار يعذبني
البسمه والفرحـه عندي مثل الأغراب ـــــ حتى الحب مايبـيني وصار يبعد عني
ماتت أحاسيسي وشعـر راسي شاب ـــــ وأنيـن صوتي انحرق و صار يحرقني
انطفت شموعي وجليد شوقـي ذاب ـــــ أذوب كل لحظه ومافي من يذوبني
عايش حياتي وأنـا والعذاب أصحاب ـــــ أسهر ليلي و ظلامه عايش في حظني
وهـم في وهم وعـذاب في عذاب ـــــ ليه كذا الدنيا ماودها تجي وتسايرني
ليه أنا مالي غير الجـرح والهم أحباب ـــــ حتى الجرح تعب و مايقدر يتحملني
عايش حياتي وأنـا و الجروح أنساب ـــــ والجرح مالقى مكان عشان يجرحني
أنا كيف أصبر ومقفلـه كل الأبواب ـــــ حتى الصبر مل مني وماقدر يصبرني
أسهر الليـل و حتى القمر عنه غاب ـــــ ليـه حتى القمر ماوده يجي يونسني
الحظ ما يعرفني ولا أذكر انـه صاب ـــــ من يوم انولدت و الشقـا يعرفني
الفرح يكرهني ولا أعـرف الأسباب ـــــ أبكي والدمعه تفـرح يوم تتركني
الين الحين وأنا عايش عذاب في عذاب ـــــ للأسف للحين مالقيت اللي يفهمني
الين الحين وأنا عايش عذاب في عذاب ـــــ حتى كل شي في الدنيا صار يعذبني
الجمعة مايو 30, 2008 1:53 pm
]